ژورې خبرې/۱۳: ایا د خیبر جرګه کولای شي په افغانستان کې د یووالي او بدلون لپاره لار هواره کړي؟

ایا د خیبر جرګه کولای شي په افغانستان کې د یووالي او بدلون لپاره لار هواره کړي؟

د پښتون ژغورنې غورځنګ جرګه په وروستیو ورځو کې د بحثونو ډګر ګرمه ساتلی دی. دې جرګې شاوخوا ۱۹ مشخصې پرېکړې اعلان کړې چې باید په راتلونکو دوو میاشتو کې عملي شي. دغه جرګه د پولې هاخوا پښتنو د یووالي سبب شوې او د پاکستان د پوځ د مخالفتونو سره سره زرګونه کسانو له بېلابېلو ډلو څخه په دې جرګه کې ګډون وکړ. دا په داسې حال کې ده چې په دې لوري کې طالبان واکمن دي او په تېرو درېیو کلونو کې د دغې ډلې له خوا هېوادوال له څپونکو محدودیتونو سره مخ دي.

د ۸صبح په دې پاډکسټ کې د جرګې پر اغېز د افغانستان په حالاتو او همداراز هغو مسایلو غږېږو  چې موږ ته عبرت راکوي. ایا په افغانستان کې دننه د دې ډول غورځنګونو رامنځته کول او ملاتړ به د محدودیتونو پر وړاندې مبارزه کې اغېزناک وي؟ ایا دا ډول پرېکړې کولای شي د افغانستان دننه د خلکو یووالی رامنځته کړي؟ ایا د خلکو ملاتړ له دې ډول جرګو څخه د لویو ملي پرېکړو په عملي کولو کې  مرسته کولای شي؟

ددې او ورته پوښتنو د ځواب لپاره هشت صبح ورځپاڼه تاسو د دې پاډکسټ اوریدلو ته رابولي.