Í skjóli veiklyndis og klofnings Vesturlanda taldi Pútín sér óhætt að leggja til atlögu og ráðast inn í fullvalda ríki. Þegar frjálsar þjóðir verða efnahagslega og pólitískt háðar landi sem stjórnað er af hrotta, sem hefur leikreglur lýðræðis að engu og virðir fullveldi nágrannaríkja að vettugi, eiga þær á hættu að verða berskjaldaðar gagnvart yfirgangi. Leiða má rök að því að Pútín hafi nýtt sér sinnuleysi og fullkomið ábyrgðarleysi þjóða Evrópusambandsins og þá sérstaklega Þýskalands í orkumálum. Kæruleysi og barnaskapur forysturíkja Evrópusambandsins í varnarmálum á síðustu áratugum hefur opinberast með afgerandi hætti eftir innrásina í Úkraínu. Sambandið hefur hvorki hernaðarlega burði né pólitískt þrek til að tryggja varnir aðildarlanda. Öryggi Evrópu og þar með Evrópusambandsins byggist á öflugu varnarsamstarfi Atlantshafsbandalagsins. Lærdómurinn frá hryllingi borgarastríðsins í Bosníu er ekki ofarlega í huga þeirra sem af léttúð telja Evrópusambandið hafa tryggt frið í Evrópu. Þá reyndist Evrópusambandið fullkomlega ófært um að koma á friði í bakgarði sínum. Friður komst ekki á fyrr en Bandaríkin létu til sín taka með bakstuðningi NATÓ.
Það er því í besta falli smekklaust að eins máls flokkar reyndi að nýta sér innrás Rússa í Úkraínu til að boða hina endanlegu og einu lausn allra vandamála; aðild að Evrópusambandinu, með þeim rökstuðningi að verið sé að tryggja varnar- og öryggishagsmuni Íslands. Í þeirri von að loksins rætist draumurinn ESB-aðild er hoppað á vagn hræðsluáróðurs. Einu sinni var það evran sem öllu átti að bjarga hér á landi og nú á Evrópusambandið að tryggja öryggi landsins gagnvart utanaðkomandi ógn.
Ný ríkisstjórn - áskoranir og tækifæri
Sundrung og skautun ógna frelsinu
Eldar í húsi Samfylkingarinnar
Púkinn í fjósinu fitnar og fitnar
Lægri skattar - aukin velferð
Með eina tösku ... Pabbi
Með eina tösku og poka ... IV. hluti
Með eina tösku og poka ... III. hluti
Með eina tösku og poka ... II. hluti
Með eina tösku og poka með tveimur teppum - I. hluti
Brotið kerfi
Stutt uppgjör 2023
Fjölbreytileika fórnað og valkostum ungs fólks fækkað
„Kerfið er ófreskja“
Ég skal láta ykkur í friði
Þegar lögin verða úrelt
Rætur samfélags
Sjálfstæðisstefnan, málamiðlanir og áhrifaleysi
Upphlaup og stóryrði
Erum við öll dauðadæmd?
Create your
podcast in
minutes
It is Free