Pulea o ou fili (Dealing with your enemies)

OPEN HEAVENS

MATALA LE LAGI MO LE ASO TOONAI 3 IUNI 2023

 

Manatu Autu:  Pule i ou fili (Dealing with your enemies)

 

Tauloto – Tusi Paia: Salamo 23:5 “E te laulau mai mea i le la‘o‘ai ma a‘u, i luma o ē ita mai ‘iā te a‘u; ‘ua e fa‘au‘uina lo‘u ulu i le suāu‘u; ‘ua taumasuasua la‘u ipu.”

 

Faitauga - Tusi Paia: Eseta 9:1-3

 

Upu Folafola

Fai mai le Ioane 8:36 so’o se tasi e tu’u saolotoina e le Alo o le Atua e saoloto atoa faamaoni o ia. O lona uiga o le fanau a le Atua e lē tatau ona ola i ni saisaitiaga, peitai e i ai pea i latou o loo saisaitia e le tiapolo.

 

Ua faapea mai le Salamo 24:7-10 o lo tatou Atua o le Alii malosi ma le fitafita, o le fitafita I le taua. O ia o le Alii o ‘au ma e lē faiaina i se taua. Tusa poo le a le tele o mailei a le fili e taumafai e faavaivai ma faalavelave iā te oe e faatamaia uma e lo’u Tamā i le asō I le suafa o Iesu.

 

E eseese auala a le Atua e faatoilalo ai le fili. E mafai ona ufitia e le suasami ma malelemo ai, (Esoto 14:28) to ifo le afi mai le lagi ma susunu ai (2 Tupu 1:9-12) lafo ifo ma’a tetele mai le lagi e tanumia ai (Iosua 10:11) po’o le saisai fo’i se’i matamata a’o tali lau sua.(Salamo 23:5). E mafai e le Atua ona aveese le malosi ia lē mafaia e le fili ona gaioi ae se’i faa matamata i ou manuia. O i latou uma o faalavelave i le siitia o lou tulaga agai i luga, o le ā ifo iā te oe i le suafa o Iesu.

 

Sa i ai se tama’ita’i mauoa sa nofo I se tasi aai. I se tasi aso a’o sauni e tausami sa faafuasei ona pau ifo se lane (frog) i luga o lana ipu meaai ma toe mou ese. Na amata i le aso lea ona tale le tamaita’i, ma o taimi uma e tale ai e fai ai fo’i lana feau vai. (Tulou lau faafofoga) E lua tausaga o feagai lenei tamaita’i ma lea faafitauli. Sa ia faia uma togafiti na maua mai i fomai ae lei malolo ai. O se tasi aso na fai ai se matou sauniga i le aai lea ma na auai ifo ai si tamaita’i. Na ia talia le valaau ma avea Iesu e fai ma ona Fa’aola ma malolo ai loa lona ma’i, ua uma le tale ma ua maua se moe lelei. Sa faamalolōina e lo tatou Alii o Iesu Keriso lenei tamaita’i ma tuli ese temoni sa fa’apologaina ia e toe fo’i i le mea na omai ai. Na toe fo’i lava temoni i se fafine faataulaitu ma amata ai ona tale i le taimi lava lea. Mulimuli ane na ta’utino e le faataulaitu i lona sese sa fai ma aioi i le mauoa mo se fesoasoani mo ia. A’o saili le fafine faataulaitu mo se fa’amagaloga mai le fafine mauoa na ia ofo atu lona ola mo Iesu Keriso ma faamalōlō ai e le Atua lona ma’i. O nei tamaita’i e toalua ua avea o ni sui malolosi I le Ekalesia I le taimi nei.

 

Ou te ta’utino atu, o le a fa’alēaogaina e le Atua ou fili uma ma faatupu le loto salamō ia i latou, ma olega ma saili mo sau fesoasoani I le suafa o Iesu Keriso. Amene.