Emisyon Eritye Papa Desalin pou madi 28 novanm 2023

Joel Trimble debake vin fè pwopagann pou Jovenel Moise nan Kannal la; Repòtaj Altagracia nan Repiblik Dominikèn; Nouvèl; Entèvyou ak sineyas Mario Delatour sou fim li "Kafe Negro"; Entèvyou ak Dr. Reinaldo Barroso-Spech sou African Diaspora International Film Festival la; Liy ouvè ak oditè yo ...

********

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Frè Joel ak madanm li debake vin fè foulay ak pwopagann pou Jovenel Moise nan Kannal la; Popilasyon an ansanm ak Madam Wideline ki se pòt pawòl komite a akeyi yo ak bra ouvè

Repòtaj Kay Vwazen nan Repiblik Dominikèn ak sè nou Altagracia Jean Joseph

Nouvèl:
-Dènye nouvèl nan lagè Etazini ak bizawèl li yo ap mennen kont Larisi nan Ikrèn
-Dènye nouvèl sou jenosid Izrayèl  ap fè sou pèp Palestinyen an nan Gaza
-Pèp Kenya denonse prezidan yo William Ruto k ap mande pèp li andire sitiyasyon ekonomik difisil peyi a pandan l gen yon sentiwon 3 mil dola vèt nan ren l
-Avoka Hunter Biden yo mande pou temwayaj msye devan chanm depite Meriken an ta fèt an piblik
-Komisè Gouvènman Jean Edler Guillaume deside lage ansyen responsab ONA a Stephanie Mondestin ULCC akize nan koripsyon pou "rezon imanitè"; Nou mande kouman msye sa a fè kontinye ap prezante tèt li pou moun debyen apre maspinay li te òdone bouwo li yo fè sou jounalis militan Robert Noncent alyas Dizay
-Sonet Saint Louis ki se avoka ansyen depite Alfredo Antoine ki se yonn nan moun ULCC lonje dwèt sou li pou koripsyon di Jean Edler Guillaume pa konpetan pou konvoke kliyan li
-Rektora Inivèsite Leta Ayiti fè peyi a konnen Joseph Lambert ki se ansyen prezidan chanm sena Ayiti a pa gen lisans kòm avoka

Entèvyou ak sineyas Mario Delatour sou fim li "Kafe Negro" k ap pase nan Vandredi nan African Diaspora International Film Festival la

Entèvyou ak Dr. Reinaldo Barroso-Spech ki se yonn nan òganizatè African Diaspora International Film Festival la k ap fèt nan NY la 24 novanm pou rive 10 desanm

Liy ouvè ak oditè yo
-dosye William Ruto nan tribinal Entènasyonal la fèmen yè lendi a; Gen moun ki mande si se pa rekonpans pou travay sal l ap fè pou Meriken an

Anons