Julekonsert med Volda gospelkor

Det ganske ferske koret Volda gospelkor skal søndag 10. desember ha julekonsert i Ørsta kyrkje. Siv Aurdal fortel at koret har songarar i alle aldre frå studiealder til nær 60 år og har gjerne plass til fleire, og då særleg herrestemmer.

Søndag 10. desember blir det julekonsert saman med Jon Lotterud, Ingvild Nagell-Dahl og Trond Nagell-Dahl. Sistnevnte er kjend frå tv-konseptet Beat for beat, og saman reiser desse tre rundt med konseptet Nå kommer jula hit. No kjem altså jula også til Ørsta kyrkje saman med Volda gospelkor, og vi har tatt ein prat med dirigent Siv Aurdal som fortel meir.