《多功能媽咪第二季》—— 第三集【如果我有時光機...】

今期節目摘要：今日想傾吓小朋友Public Speaking嘅經典題目，但首先搞搞氣氛…如果你有時光機，你會想去你人生當中邊一個時段呢？

 

Lindsay 同阿Kit 強勢回歸，喺第二季入面帶你聽下過去幾年嘅親子變奏曲，媽咪點樣由「新手村」升級做「老手兵」、點樣喺家庭、事業、夢想之間繼續搵到平衡點。仲會請嚟唔同階段嘅媽咪一齊傾吓計，分享真實又溫暖嘅故事。

 

《多功能媽咪》 第二季由Beyond The Book贊助播出。

 

【節目介紹】

收音機旁邊嘅你，仲記唔記得熬夜餵奶、趕住送學、偷偷抹眼淚又偷偷笑嘅日子？時間過得真係好快，轉眼四年，《多功能媽咪》第一季入面講緊學行學講嘅BB，而家已經學識頂嘴啦！媽咪們嘅身份一樣多功能，但面對嘅挑戰、成長同感動，又邊止咁簡單？