Emisyon KOMOKODA pou mèkredi 25 desanm 2019

Mizik pou louvri: Rezistans - Sò Àn

2 ti mo salitasyon Fritzner ak Dahoud

Jodi a se dènye emisyon KOMOKODA pou ane 2019 la; Ti ranmase sou travay KOMOKODA pou ane a 

Ti koze ak frè nou Mathulnes Lamy sou batiman Ilavach ki koule epi sou lit fanmi yo nan Konbit Peyizan Ilavach (KOPI) ap mennen pou yo jwenn jistis kont krim Michel Martelly ak Laurent Lamothe PHTK fè sou zile a

Refleksyon nou sou rapò ki soti sou kadejak sòlda MINISTA yo fè nan peyi nou kote yo idantifye 265 timoun yo kite; Nou pase ti moso nan yon entèvyou sè nou Ezilidantò te fè sou dosye sila a an 2015 epi vwa Michelle Montas nan wòl pòtpawòl Sekretè Jeneral Nasyonzini an Ban Ki-moon k ap defann Nasyonzini sou dosye kadejak sa a

Liy ouvè ak oditè yo 

Mobilizasyon pou manifestasyon devan Misyon Etazini nan LONI demen 3pm:
1st Avenue ak 45th Street nan Manhattan

Anons gaye nan NY la pou fè konnen Mateli ap vin jwe bal samdi 28 desanm nan Temple Am Echad nan Lynbrook, Long Island; Nou ankouraje oditè yo rele responsab Sinagòg la Rabbi Sandra Bellush nan 516-593-4004 pou di l ki ès Mateli ye epi fè l konnen depi bal la ap fèt n ap vin manifeste