Emisyon Eritye Papa Desalin pou madi 5 jiyè 2022

Entwo

Nou salye fanmi k ap koute yo

Ti koze ak frè nou Matyas Dandor sou jan l ap gade peyi a epi sou jwèt ti komik k ap fèt pou yo fè asasen, vòlè, apatrid Jovenel Moise pase pou yo ewo nasyonal epi kadre l akote Janjak Desalin

Nou pase pyès "Machann Mikro" Matyas fèk mete deyò nan seri videyo li rele Ayiti lanvè

Nouvèl:
-Joumou pa donnen kalbas: Masak, tire, lòbèy, briganday plizyè kote Ozetazini ki soti pou gate fèt lendepandans yo
-Konsèy Sekirite LONI anonse se 13 jiyè k ap vini an l apral bay dizon li sou renouvèlman BINUH a
-Rankont Minis Afè Etranjè Larisi Sergei Lavrov ak Minis Afè Etranjè Venezyela Carlos Faria kote yo anonse 2 peyi yo ap kontinye mache men nan men
-Manifestasyon nan Angletè sou pri gaz ak dizèl k ap grenpe nan wotè popilasyon an pa ka sipòte
-Peyi LOTAN yo bay dizon yo pou aplikasyon Finlann ak Lasyèd vanse
-Nan yon entèvyou jounal anliy Rezonòdwès pibliye madanm Samir Handal anonse peyi Latiki libere mari li
-Nou panko jwenn lis apatrid Ayisyen ki t al nan manje poul boukannen ak òtdòg nan babekyou 4 jiyè nan Anbasad Meriken yè lendi a
-Jounal Nouvelliste pibliye yon entèvyou ak nouvo jij ki sou dosye ti vòlè apatrid Jovenel Moise la, Walter Wesser Voltaire, kote msye di menm si nou pa tande bri li l ap travay
-Prezidan Ikrèn nan Volodimyr Zelensky di l ap bezwen 750 milya dola vèt pou rekonstriksyon peyi li epi l mande peyi ki sezi byen Larisi yo pou yo tou koumanse fè l jwenn lajan sila yo

Liy ouvè ak oditè yo