Emisyon Eritye Papa Desalin pou madi 2 mas 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Repòtaj Kay Vwazen ak sè nou Altagracia Jean Joseph ki nan Repiblik Dominikèn

Segman Zafè Kay ak sè nou Michelle ki nan Flatbush nan Brooklyn nan

Yon ti rale sou mannigèt bacha Juif yo k ap fè dappiyanp sou kay fanmi nou yo nan zòn Flatbush la ak konplisite politisyen restavèk ki sanble ak nou, ki pale lang nou epi enpòtans pou kominote a defann tèt nou kòmsadwa

Liy ouvè ak oditè yo

Nou pase vwa Ms. Elias ki se yon fanmi nan Bedstuy ki viktim malfektè sa yo ki fè espre kraze kay li pandan y ap travay sou yon kay akote kay li a pou yo fòse l vann ak yo
Lyen pou videyo kote Ms. Elias ap rankonte masuife l ap monte a (Angle):
https://www.youtube.com/watch?v=VRfjsAT2inU

Anons moun ka p chèche kay pou lwe ak achte ak moun ki genyen pou lwe ak vann

Gouvènè eta New York la Andrew Cuomo pran nan cho: 3 fi akize li te fè avans seksyèl sou yo nan move kondisyon

Nan ki pwen plan "stimulus" Pati Demokrat la ye jounen jodi a

Etazini ak Inyon Ewopeyen anonse nouvo sanksyon ekonomik kont Larisi pou fòse peyi sila a koube l ak volonte yo

Ministè Afè Etranjè Lachin mande Etazini wete lasi k nan je l la anvan l vin lonje dwèt sou koze vyolasyon dwa moun kominote Mizilman Uighur nan zòn Xinjiang nan Lachin

Nou retounen sou eskandal ki pete lè peyi a aprann se manman baz PHTK Magalie Habitant ki t al chache 2 dominiken yo nan men kidnapè yo; Pou ki sa li pa fè okenn sans pou Ayisyen kontinye ap pale de jistis nan peyi nou; Nou repase vwa madanm nan k ap pann tèt li ak pwòp bouch li

Liy ouvè ak oditè yo