Emisyon Eritye Papa Desalin pou madi 28 me 2024

Konbit pou oditè Eritye Papa Desalin yo ta ede Radyo Chandèl nan Latibonit rezoud yon pwoblèm batri pou "inverter" yo; Nou kontan anonse nouvèl lanmò sè nou Guerline Morisette ki te gaye nan web la yè se te yon malatchong; Nouvèl; Blag CantaveK sou reta Kenya a epi sou Papa Desalin ki ta pran kout pitit ak tout kout nasyon; yo Liy ouvè ak oditè yo; Anons

*******

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Konbit pou oditè Eritye Papa Desalin yo ta ede Radyo Chandèl nan Latibonit rezoud yon pwoblèm batri pou "inverter" yo

Nou kontan anonse nouvèl lanmò sè nou Guerline Morisette ki te gaye nan web la yè se te yon malatchong

Blag CantaveK sou reta Kenya a epi sou Papa Desalin ki ta pran kout pitit ak tout kout nasyon

Deklarasyon 26 mas KOMOKODA a

Nouvèl:
-Dosye kriminèl Donald Trump nan NY la al nan "jury" a; Kòm Gwo Moso pa gen dwa kite NY li fè yon gwo reyinyon nan Bronx lan ak patizan li yo
-Malgre estati lavil NY kòm yon "sanctuary city", yo vil ki asire pwoteksyon imigran san papye, li parèt Eric Adams ap chanje politik sila a
-Pale anpil kontinye nan dosye 2 blan misyonè sipòtè gang, gang ta touye epi boule ann Ayiti yo; Ata Ayisyen k ap gade jan Ayisyen ap mouri tankou mouch anba men gang fin awoyo
-Nan mitan menas manda tribinal entènasyonal Israel bonbade yon kan refijye nan Rafah; Kòm dabitid Etazini fè konnen Israel nan dwa l pou l defann tèt li

Entèvyou ak konpatriyòt Rodega Dorcil, prezidan Akademi Kreyòl Ayisyen an sou lavi ak travay frè nou Pierre Michel Chery