Blóraböggull, Svarti sauðurinn og Týnda barnið

Í huga margra er meðvirknin fyrirbæri sem á fyrst og fremst við um fólk sem eru í kringum alkóhólista og margir telja reyndar að hún eigi meira við um konur en karla. Hvorutveggja er rangt, það er að segja að meðvirkni á jafn mikið við um karla og konur og hún myndast alls ekki bara þar sem er áfengis- eða annar vímuefnavandi til staðar. Meðvirknin er margslungið fyrirbæri sem snertir alla fleti á mannlegri hegðun, viðbrögðum og viðhorfum í samskiptum og nánum samböndum. Margir finna pússlin sem þeir hafa leitað að alla tíð þegar þeir kynna sér þætti Meðvirknipodcastsins.

Þættirnir eru í umsjá Valdimars Þórs Svavarssonar ráðgjafa og Berglindar Magnúsdóttur félagsráðgjafa og meðferðaraðila en bæði hafa yfirgripsmikla menntun og reynslu á þessu sviði. 

Þú getur kynnt þér málið á www.medvirknipodcastid.is