နိဗ္ဗာန်ဆိုင်ရာတရားတော် ၁၃၂၆-ခုနှစ်၊ တော်သလင်းလဆန်း ၈-ရက် (၁/၇)

ကျေးဇူးတော်ရှင် မဟာစည်ဆရာတော်ဘုရားကြီးသည် နိဗ္ဗာန်ဆိုင်ရာတရားတော်ကြီးကို ရန်ကုန်မြို့၊ မဟာစည်သာသနာ့ရိပ်သာ၊ ဖလ်ယဥ်ဓမ္မာရုံတော်ကြီး၌ ၁၃၂၆-ခုနှစ်၊ တော်သလင်းလဆန်း ၈-ရက်နေ့မှစ၍ ၁၃၂၆-ခုနှစ်၊ သီတင်းကျွတ်လဆုတ် ၈-ရက်နေ့အထိ ဥပုသ်သီတင်းနေ့များတွင် ဟောကြားခဲ့ရာ ၇-သီတင်းတိုင်တိုင် ရှိခဲ့လေသည်။ စူဠဝေဒလ္လသုတ်တရားတော်ကြီး ဟောတော်မူပြီးနောက် စူဠဝေဒလ္လသုတ်တရားတော်ကြီးအဆုံးပိုင်းတွင် ပါရှိလာသော နိဗ္ဗာန်မေးခွန်းကြောင့် ဆက်စပ်နေသည့် နိဗ္ဗာန်ဆိုင်ရာတရားတော်ကို ဟောကြားတော်မူခဲ့ခြင်း ဖြစ်ပေသည်။ နိဗ္ဗာန်ဆိုင်ရာတရားတော်တွင် နိဗ္ဗာန်ကို မျက်မှောက်ပြုနိုင်သည့် အခြေခံ ဝိပဿနာရှုနည်းလဲပါသည်။ ဝိပဿနာရှုမှတ်ရင်း နိဗ္ဗာန်သို့ ဆိုက်‌ရောက်သွားပုံလဲပါသည်။ ပါဠိတော်, အဋ္ဌကထာက သာမန်ပြဆိုထား၍ အသိခက်သောနေရာမျိုးတွင် အတိအကျ ဖော်ထုတ်ပြထားသည်လဲ ပါသည်။ လမ်းမှားအားထုတ်နေကြသော ယောဂီတို့အတွက် လမ်းမှန်‌ရောက်အောင် လမ်းညွှန်လဲပါသည်။ ဤသို့ အဖက်ဖက်က ပြည့်စုံလှသည့် တရားတော်ကြီးကို နာယူကြည့်ကြပါရန် တိုက်တွန်းနှိုးဆော်လိုက်ရပါသည်။ ဤ Episode သည် ၁၃၂၆-ခုနှစ်၊ တော်သလင်းလဆန်း ၈-ရက်နေ့တွင် ဟောကြားတော်မူသည့် နိဗ္ဗာန်ဆိုင်ရာတရားတော်-၁ ဖြစ်ပါသည်။

• ၁၃၃၆_နိဗ္ဗာန်ဆိုင်ရာတရားတော်_မဟာစည်ဆရာတော်
• မဟာစည်တရားတော်များ ခေတ်အဆက်ဆက်တည်တံ့နေပုံ

မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။