စူဠဝေဒလ္လသုတ်တရားတော် (၁/၁၁)

ကျေးဇူးတော်ရှင် မဟာစည်ဆရာတော်ဘုရားကြီးသည် စူဠဝေဒလ္လသုတ်တရားတော်ကြီးကို ရန်ကုန်မြို့၊ မဟာစည်သာသနာ့ရိပ်သာ၊ ဖလ်ယဥ်ဓမ္မာရုံတော်ကြီး၌ ၁၃၂၆-ခုနှစ်၊ ပထမဝါဆိုလဆန်း ၈-ရက်နေ့မှစ၍ ၁၃၂၆-ခုနှစ်၊ ဝါခေါင်လကွယ်နေ့အထိ အခွင့်သင့်သော သီတင်းနေ့များတွင် ဟောကြားခဲ့ရာ ၁၁-သီတင်းတိုင်တိုင် ရှိခဲ့လေသည်။

မဟာစည်ဆရာတော်ဘုရားကြီးက ဤတရားတော်ကြီး၏ တရားဦးစကားပလ္လင်၌ “စူဠဝေဒလ္လသုတ်ဆိုတာ ဝေဒလ္လသုတ်အငယ်စားလို့ အနက်ရှိတယ်။ ဗမာစကားသက်သက်နဲ့ ပြောရရင်တော့ အသိဉာဏ်နဲ့ နှစ်သိမ့်အားရကြေနပ်ခြင်းကို စွဲမှီပြီးမေးလို့ ဖြေကြားထားတဲ့ သုတ်တရားငယ်လို့ ဆိုရမှာပဲ။ဘယ်သူကမေးလို့ ဘယ်သူကဖြေကြားထားတဲ့တရားလဲဆိုတော့ အနာဂါမ်ဖြစ်တဲ့ဝိသာခသေဌေးကြီးက မေးလို့ ဓမ္မဒိန္နာဆိုတဲ့ ရဟန္တာထေရီမက ဖြေကြားထားတဲ့ သုတ်တရားတော်ပါပဲ။ မှတ်သားစရာလည်း အင်မတန်ကောင်းပါတယ်။ အမျိုးသမီးတွေဘက်က သဒ္ဓါဆန္ဒ တက်ကြွပြီး ဂုဏ်ယူစရာ, အတုလိုက်ပြီး ကျင့်စရာလည်း ကောင်းပါတယ်” ဟူ၍ တရားတော်၏ဂုဏ်ပုဒ်များကို မိန့်ကြားထားပေသည်။ ဤ Episode သည် ၁၃၂၆-ခုနှစ်၊ ပထမဝါဆိုလဆန်း ၈-ရက်နေ့တွင် ဟောကြားတော်မူသည့် စူဠဝေဒလ္လသုတ်တရားတော်-၁ ဖြစ်ပါသည်။

• ၁၃၄၁-ခုနှစ်_စူဠဝေဒလ္လသုတ်တရားတော်_မဟာစည်ဆရာတော်
• မဟာစည်တရားတော်များ ခေတ်အဆက်ဆက်တည်တံ့နေပုံ

မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။