Kvinneprosjekt i Sentral-Asia

For eit par år sidan var Olaug Lillian Bjørke på reise til Sentral Asia. Her møtte ho Vicky*, som dei siste åra har vore leiar for eit kvinneprosjekt i regionen.  Du får høyre om korleis kvinner får nytt liv og verdigheit gjennom hennar kreative undervisning, og kva dette har å bety for kvardagen og framtida deira. «Prosjektet er ikkje så viktig som menneska», seier Vicky – og forklarer korleis venskap og relasjonar byggast, og etterkvart gir muligheit til å dele evangeliet. Vicky er gift med Alex*, ein sentral kristenleiar i regionen. I programmet får du høyre korleis dette ekteparet kom til tru, og den heilt spesielle historia som førte til at dei bur der dei bur i dag.