Emisyon Eritye Papa Desalin pou lendi 11 avril 2022

Entwo

Nou salye fanmi k ap koute yo

Mobilizasyon pou "Town Meeting" KOMOKODA ap fè samdi 23 avril 2022, 6pm sou dosye dola senkant ak 5 santim chak minit la nan Legliz Batis Dizrayèl ki nan 1377 Rogers Ave (Kwen Farragut Rd.) nan Brooklyn nan

Ranmase sou Vandredi Anba Tonnèl pou Vandredi 8 avril 2022 ak sè nou Fabyèn Yasent

Nouvèl:
-Eleksyon fèt yè nan peyi Lafrans, Emmanuel Macron ak Marine Le Pen prale nan 2yèm tou
-Yon vòt chanpwèl nan palman peyi Pakistan Vandredi swa kapote Premye Minis Imram Khan ki t ap batay pou peyi li pa mache tèt bese dèyè Meriken ak bizawèl li yo; Jodi a yo monte Shebaz Sharif kòm ranplasan
-Gouvènè Greg Abott nan Texas di si Biden ap kanpe sou "Title 42" a tout bon vre li pral koumanse mete refijye k ap rantre Texas yo nan otobis ak avyon pou y al jwenn Biden nan Washigton DC
-Dènye nouvèl sou lagè k ap bwase nan Ikrèn ant Etazini ak Larisi
-Ansyen Minis Zafè Sosyal nan Gouvènman Jovenel Moise la Roosevelt Bellevue ki te revoke pou dwèt long siperyè nan koze kit skolè a bay yon nouvo entèvyou nan Boston pou l di li pa t enplike nan vòl sila a, se chay Jovenel, Martine ak akolit yo ki manje kòb la te mete sou do li
-Raoul Peck ekri yon lèt tou louvri pou l denonse Ariel Henry ak akonplis li yo nan sitiyasyon peyi a ap viv la epi li anbrase Akò Montana kòm sèl chimen k ap mennen peyi a bon pò; Edmonde Supplice Beauzil ki nan kan Ariel la reponn msye ak bon piman

Liy ouvè ak oditè yo