Emisyon KOMOKODA pou mèkredi 12 me 2021

Mizik pou louvri: Rezistans - Sò Àn

2 ti mo salitasyon Fritzner ak Dahoud

KOMOKODA salye tout fanmi isit ak lakay ki branche k ap koute emisyon an

Ti koze ak sè nou "Ayiti" nan Matris Ayiti 1804 epi ak sè nou Ninaj Raoul nan Fanm Ayisyen pou Refijye Ayisyen sou sa k pase ak ti frè nou Romy Vilsaint epi mobilizasyon k ap fèt 7am-10am Vandredi maten devan lekòl P.S. 361 ki sou Nostrand Ave ak Foster Ave

Nouvèl:

-Yon lòt fwa ankò Israel ap lage bonb, touye, krabinen pèp Palestinyen an ak beneksyon Etazini ak bizawèl li yo; Nou voye fòs, kouraj, ak lanmou pou pèp Palestinyen an ki sèmante li pa p mouri san gwonde
-Repiblik Dominikèn anonse yo gen tan monte 23 Km miray ak lantouray babele
-Lòbèy pete nan reyinyon OEA sou Ayiti maten an

Liy ouvè ak oditè yo

Plis nouvèl:
-Minis Travo Piblik nan Bahamas Desmond Bannister mande moun nan Bahamas k ap mande pou leta pa kraze kay Ayisyen yo nan Abaco, èske yo ta pito viv nan pousyè, salte (Twou Latrin Trump lan!) tankou sa k genyen nan peyi d Ayiti a
-Pati Repibliken Meriken an revoke Depite Liz Cheney nan djòb li kòm twazyèm pi gwo chèf Pati a paske l kontinye ap kritike Trump
-Presyon an ogmante ak lajan ak menas pou fòse tout moun Ozetazini pran vaksen kovid
-Dr Pape di menm lè li klè pa gen kovid ann Ayiti, fò Ayisyen ta pran vaksen kovid la kanmenm pou evite malè

Anons:

Mobilizasyon pou manifestasyon pou mande jistis pou Romy Vilsaint, demen 7am-10am, devan lekòl P.S. 361 ki sou Nostrand Ave ak Foster Ave

Mobilizasyon nan kad aktivite Koalisyon Leve Kanpe pou Ayiti: KOMOKODA ap manifeste jedi 27 me, 3pm-6pm devan Konsila Kanada nan NY la: 466 Lexington Avenue, ant 45yèm ak 46yèm Streets nan Manhattan