獨毒讀不如眾讀讀

https://anchor.fm/s/df67dccc/podcast/rss

2 Followers 33 Episodes Claim Ownership

由「界限書店」、「獵人書店」及「留下書舍」三間香港獨立書店共同營運——每周分享好書、聊聊八卦。

Episode List

【EP 18】留下傾傾＿嘉賓：《4拍4家族》導演賴恩慈

Nov 14th, 2023 4:27 PM

《4拍4家族》上映數周，票房和聲勢，明顯不及同期的幾部本地作品。但其實，依電影的命題（記憶與遺忘），當中涉獵的議題（家人、和解、流散……），以及少有的「廣東歌音樂電影」類型，即使先不論作品好壞，會吸引到的討論度，理應比現時高。導演賴恩慈是資深劇場工作者，但她形容，在商業電影市場上，自己是新手，也因此，在宣傳和定位上，一直懵懵憧憧，到發現大眾其實不了解電影的主題，更遑論入場時，已有點遲。而她選擇瘋狂謝票，與觀眾交流，也呼籲喜歡作品的觀眾宣揚開去。她坦言票房失利已無法改變，但仍希望能讓更多觀眾看到自己的作品。音樂無法成為電影的 gimmick，但成為她堅持的動力。她說，希望香港音樂電影的一扇門，可以由自己推開。即使這次光是推門已力竭，但至少為有意創作同類電影的人，留下一串門匙。

【EP 17】留下傾傾＿嘉賓：《浮世薔薇》閭丘露薇｜唔寫新聞寫小說？

Oct 31st, 2023 12:00 AM

主持：「留下書舍」岑仔／嘉賓：《浮世薔薇》作者閭丘露薇大概傾咗：閭丘露薇係咪做過「戰地記者」？／《浮世薔薇》書名點解？／係咪有題材新聞唔寫得所以寫小說？／記者識寫新聞代唔代表識寫小說？／點解會被編輯批評又要大改？／小說是紀錄時代的好載體嗎？／無論用咩形式，其實都係講故仔。

【EP 16】獵人與他們的運動史，推介港足與運動文學！

Oct 16th, 2023 10:21 AM

大概傾咗: 獵人上星期去咗睇港足，結果店長萱有強烈嘅文化衝擊？店長Wayne同店長萱嘅運動員生涯？店長W居然曾經係呢項運動嘅港隊？幾時第一次發現香港體壇ON99?運動又有咩推薦嘅文學同漫畫？

【EP 15】無界限開咪：揭秘！獨立出版社嘅前言feat.後話文字工作室

Oct 1st, 2023 1:20 PM

｜無界限開咪：揭秘！獨立出版社嘅前言 feat.後話文字工作室作為一間書店，其中一個最親近嘅行業一定係出版社。尤其係獨立書店同獨立出版社，兩者嘅諗法、做法都會有頗相近嘅地方。今集界限店長爸就搵左自己曾經係入面做過實習嘅強勁獨立出版社——「後話文字工作室」過黎傾下佢地有趣嘅理念同做法～兩位後編分享左佢地做書嘅樂趣，講下獨立出版同傳統出版嘅分別，仲會開名/唔開名地講下做編輯遇到嘅一啲千奇百怪嘅情況（嗱，我淨係負責問問題，估唔估到邊本書就睇你地喇XD）今次係史無前例大公開！千奇唔好錯過！主持：界限書店店長爸嘉賓：後話文字工作室@⁠pscollabhk⁠精選：獨立出版社嘅權力架構？有無試過同作者鬧交？如果揀一本做得好靚但質素唔好嘅書定質素好好但好醜樣嘅書？如果咩都唔理，最想點出/出一本點嘅書？PS. 店長爸IT白癡，第一次錄podcast，錄音嘅質素有啲奇怪|-|多多包涵後話最新出版：鄒芷茵《小食部》現已於界限書店有售～#獨毒讀不如眾讀讀 #香港podcast #獨立出版 #香港獨立出版 #界限書店 #後話文字工作室 #boundarybookstore