RTL - Lecture vun heiheem

RTL - Lecture vun heiheem

https://www.rtl.lu/podcast/feed/lecture-vun-heiheem-lb.xml
4 Followers 96 Episodes Claim Ownership
Nei Lëtzebuerger Bicher, am Gespréich mam Auteur virgestallt.

Episode List

Eng Luucht am Labyrinth:, 16/02/2025

Feb 16th, 2025 11:04 AM

"Léa ou la théorie des systèmes complexes" vum Ian de Toffoli 2023 ass et als Theaterstéck am Kapuzinertheater gewise ginn, elo ass d'Buch beim renomméierte franséische Verlag "Actes Sud" erauskomm. Dokumentatioun a Fiktioun: dem Ian de Toffoli säin Text ass béides. Deen dokumentareschen Deel zeechent d'Geschicht vun enger mächteger US-amerikanescher Petrolsdynastie no an erfuerscht d'Zesummespill tëscht Industrie a Politik an deen nefasten Afloss deen dëse komplexe System op eis Ëmwelt huet.  D'Figur vum Léa dogéint ass reng fiktiv. An enger Welt déi duerch den ongebremste Klimawandel riicht an d'Mauer fiert, gesäit hat keng Zukunftsperspektiv méi a radikaliséiert sech. Gläichzäiteg muss hat erkennen, dass hat selwer en Deel vun dësem komplexe System ass.  Am Interview erzielt den Auteur Ian de Toffoli vu senge Recherchen zu engem brisanten Thema dat duerch d'Aktualitéit ëmmer méi an de Fokus réckelt. 

En däischtert Geheimnis aus dem zweete Weltkrich, 24/12/2024

Dec 24th, 2024 11:13 AM

"Vergissmeinnicht - Eng Geschicht aus der Rundstedt-Offensiv a 25 Joer duerno" vum Guy Koenig Stiefesdag 1969. De Commissaire Bertemes huet Bereetschaftsdéngscht, an eigentlech erwaart hie sech e rouegen Dag. Mä et kënnt anescht. De Juge d'instruction vun Dikrech rifft un, et ass e Mord geschitt, an de Bertemes muss sech direkt op de Wee an d'Éislek maachen. D'Affer ass den Egon Schmit, en däitschen Hauptmann a fréiere Wehrmachtszaldot dee fir eng Commémoratiounsfeier zu Dierbelt war.  Dat ass d'Ausgangssituatioun vum Guy Koenig sengem neie Roman "Vergissmeinnicht" . Am Interview erzielt hien wéi déif d'Wonnen aus der Zäit vu der Rundstedt-Offensiv och 25 Joer méi spéit nach waren, an dat zu engem Moment wou et esou ausgesinn huet, wéi wann sech grad alles an der Welt géif veränneren. "Vergissmeinnicht" vum Guy Koenig ass bei Op der Lay erauskomm. 

Geeschter, Satanisten a geklaute Läichen, 16/12/2024

Dec 16th, 2024 7:45 AM

"Nightscapes" 3 onheemlech Geschichten vum Percy Lallemang Alpdreem gi wouer am Percy Lallemang sengen Nightscapes. E Mann ouni Schiet, eng kriminell Band déi am Edinburgh vun den 1830er Joren Läiche klaut, eng Serie vu misteriéise Mordfäll am London vum Joer 2055. "May cause nightmares and visions. Contains traces of horror" sou heescht et schonn am Klappentext. Dir sidd also gewarnt! Am Interview erzielt de Percy Lallemang vu senger Faszinatioun mam Horror-Genre, awer och mat der Stad Edinburgh an hirer räicher Geschicht. Lauschtert eran...wann Dir Iech traut! "Nightscapes" vum Percy Lallemang ass bei Black Fountain Press erauskomm. 

Vu Superhelden, Rockstaren an Zäitreesender, 05/12/2024

Dec 5th, 2024 7:26 AM

"Hirngespinste und Silberstreife" vum Luc François Am Luc François sengem éischten Erzielband ass all Geschicht eng Virwëtztut! De Luc François, Joergang 1993, schreift zënter iwwer 10 Joer Fantasy-Romaner. Säi lescht Buch "Wasserstand" hat et op d'Shortlist vum Lëtzebuerger Buchpräis gepackt. Mat "Hirngespinste und Silberstreife" leet en elo säin éischte Kuerzgeschichte-Band vir. Natierlech ass och nees Fantasy mat am Spill, awer net nëmmen. An deenen 12 Geschichten triede verkannte Superhelden op, fiktiv Rockstaren, an Eisebunn-Nostalgiker. De Lieser gëtt matgeholl op eng verwurrelt Zäitrees a kann engem Personnage hannert d'Stir kucken...wuertwiertlech. Wéi en op all déi droleg Iddien kënnt? Dat erzielt de Luc François am Interview. "Hirngespinste und Silberstreife" vum Luc François ass bei Hydre éditions erauskomm.

Mat 150 km/h um Hoverboard iwwer Berlin, 11/11/2024

Nov 11th, 2024 1:27 PM

"Lieferdienst" vum Tom Hillenbrand An dëser rasant erzielter Dystopie ass Konsum eng Fro vu Liewen an Doud. An dee jonken Arkadi geréit tëscht d'Fronten. Den Arkadi Schneider ass e "Bringer". Hie liwwert op sengem Hoverboard Wueren aus déi vun de Clienten bestallt a banne Minutten op engem 3D-Printer ausgedréckt ginn. Vitesse ass alles wat zielt, well nëmmen dee Liwwerdéngscht deen d'Wuer als éischte prett huet an se bei de Client liwwere kann, mécht e Geschäft. Dobäi gëtt och gären emol mat onfaire Mëttele geschafft... Dem Tom Hillenbrand säi Roman spillt an enger Zukunft déi engem beonrouegend kënneg virkënnt. Konsum ass zum Selbstzweck ginn, an d'Bringer si gläichzäiteg d'Helden an d'Sklaven vun dësem System.  Méi doriwwer am Interview mam Tom Hillenbrand! "Lieferdienst" vum Tom Hillenbrand ass bei Kiepenheuer und Witsch erauskomm.

Get this podcast on your phone, Free

Create Your Podcast In Minutes

  • Full-featured podcast site
  • Unlimited storage and bandwidth
  • Comprehensive podcast stats
  • Distribute to Apple Podcasts, Spotify, and more
  • Make money with your podcast
Get Started
It is Free