Fálase

Fálase 66 - Entrevista con Jesús Domínguez

Jesús Domínguez: "Cando o Estado orixina as traxedias pon todos os aparatos de poder para eximir calquera responsabilidade". O presidente da Plataforma de Vítimas de Angrois critica a sentenza absolutoria do cargo de Adif e considera a título persoal que o maquinista condenado non debe entrar na cadea. Unha entrevista de David Reinero e David Lombao en Praza.gal. Podes lela enteira aquí https://praza.gal/acontece/cando-o-estado-orixina-as-traxedias-pon-todos-os-aparatos-de-poder-para-eximir-calquera-responsabilidade

Fálase 65 - Xornalistas en Angrois e o que queda por contar

Con David Reinero, xornalista de Praza.gal, e mais con Aida Rosell (Europa Press) e Pablo González (La Voz de Galicia) analizamos as repercusións da sentenza polo accidente do Alvia e o percorrido que aínda fica por diante. Conducido por David Lombao, director de Praza.gal.

Fálase 64 - Entrevista con Jesús Domínguez

No Fálase, o podcast informativo de Praza.gal conducido por David Lombao, falamos co presidente da Plataforma Víctimas Alvia 04155, Jesús Domínguez, tras a primeira sentenza sobre o sinistro. "Agora hai unha sentenza que di que aparte do maquinista o responsable é Adif. O ridículo dos nosos gobernantes seus enganos foi terrible", afirma tras un ditame que ve como "un triunfo de todos" porque, de agora en diante, "antes de inaugurar unha infraestrutura sen seguridade vano pensar"

Fálase 63 - Entrevista con Nicolás G. Casares

Entrevistamos o eurodeputado socialista Nicolás González Casares, referente do PSdeG na candidatura do PSOE para as eleccións europeas do 9X. Con el conversamos sobre o balance do seu labor na Eurocámara en áreas como a reforma do mercado eléctrico e abordamos asuntos como a transición ecolóxica, o proxecto de Altri ou os riscos dun continente gobernado pola dereita e a extrema dereita

Fálase 62 - Entrevista con Ana Miranda

Recibimos neste episodio do Fálase a Ana Miranda, eurodeputada do BNG e candidata a seguir séndoo os vindeiros cinco anos. "O escano do BNG ten unha axenda galega sen render contas: gobernamos nós a nosa casa, tamén no Parlamento Europeo", defende nesta entrevista, na que que subliña a importancia duns comicios que tamén ve clave para frear a extrema dereita