Verkfræðivarpið // 20. þáttur: Netöryggismál – tímanna tákn

Netárásir á fyrirtæki og stofnanir eru vaxandi vandamál. Er þá skemmst að minnast alvarlegrar árásar sem HR varð fyrir frá rússneskum tölvuþrjótum sem olli miklum vandræðum. Magni Reynir Sigurðsson tölvunarfræðingur og fagstjóri hjá CERT-IS er allra manna fróðastur um netöryggismál. Í mjög fróðlegu og ítarlegu spjalli við Þórð Víking og Helga Þór fer Magni yfir sögu tölvuárása frá árdögum netsins til okkar daga. Þá er fjallað um hvað býr að baki og hvað skal til bragðs taka. HR árásinni eru gerð sérstök skil í þættinum. Loks deildi Magni framtíðarsýn sinni en ný tækni eins og gervigreind felur bæði í sér áskoranir og tækifæri.

UM VERKFRÆÐIVARPIÐ
Upphafsmenn Verkfræðivarpsins eru þeir Haukur Ingi Jónasson, Helgi Þór Ingason og Þórður Víkingur Friðgeirsson, sem eru allir kennarar og fræðmenn við verkfræðideild HR. Í þessari sjálfstæðu þáttaspyrpu innan HR hlaðvarpsins leitast þeir við að færa þekkingarsvið verkfræðinnar til almennings og verkfræðinga á mannamáli.

UM HR HLAÐVARPIÐ
HR hlaðvarpið er aðgengilegt á helstu samfélagsmiðlum háskólans og streymisveitunum Spotify og Apple Podcasts og iTunes, ásamt hlaðvarpsveitum á borð við Simplecast, Pocket Casts og Podcast Addict. Það er samskiptateymi HR sem hefur umsjón með HR hlaðvarpinu (samskipti@ru.is).