Forsking på Norseman-deltakarar: Er det helseskadeleg å gjennomføre?

Kvart år står rundt 250 personar på startstreken for verdas hardaste triatlon, Norseman. I år stod til og med TV-profil Vegard Harm på start. Er det vanleg at såpass utrente personar (før TV-prosjektet starta) kjem seg til mål?

Kvart år sender også NIH eit eige forskarteam til Eidfjord for å teste deltakarane før start og etter målgang. 

Dei har mellom anna forska på korleis det kalde vatnet påverkar kroppen, lungefunksjon og korleis ekstrem uthaldenheit påverkar ulike biomarkørar i blodet. 

Kor lang tid tar det å hente seg igjen etter ein sånn enorm styrkeprøve? Og er det eigentleg helseskadeleg?

Trine Stensrud, professor ved Institutt for idrettsmedisinske fag og Jonny Hisdal, professor ved Institutt for klinisk medisin ved UiO og ein del av arrangørstaben, gir deg svar i NIH-podden. 

Dei veit også mykje om kven deltakarane er og kor mykje dei trenar etter mange års forsking.

Programleiarar er Christina Gjestvang og Gjermund Erikstein-Midtbø. Redigerer er Eskil Byrkjeland.