"СОНСДОГ" Сургаалт Үгс 22-р бүлэг

22 1 Арвин баялгаас сайн нэр дээр.
Алт, мөнгөнөөс таалал хүндлэл

илүү.
2 Баян ядуу хоёрт нийлэх зүйл гэвэл
Хоёуланг бүтээгч нь ЭЗЭН аж.
3 Хэрсүү нь гамшгийг хараад

нуугддаг.
Гэнэн нь угтан явж

эцэстээ шийтгэгддэг.
4 ЭЗЭНээс эмээхүй ба даруу дорд

байдалд
Эд баялаг, алдар хүнд, амь нь

шагнал болно.
5 Адайрын замд сундуу хийгээд

занга.
Анхаарал болгоомжтон

тэдгээрээс ангид.
6 Явах ёстой замаар нь хүүхдийг

сурга.
Тэрээр өтөлсөн ч түүнийг

орхихгүй.
7 Баян хүн ядуугийн захирагч.
Өртөн нь зээлдүүлэгчийнхээ зарц.
8 Ёсон бусыг таригч нь зүдүүр гай

хураах.
Агсрах хилэнгийнх нь саваа

алга бас болох.
9 Өгөөмөр хүн ерөөгддөг нь
Үгээгүйчүүлд хоолноосоо

өгдгийнх.
10 Басамжлагчийг холдуулваас

хэрүүл зайлах.
Зарга болон зүхэл ч зогсоно.
11 Цэвэр зүрхийг хайрлагч,

нигүүлсэнгүй уруулт хүнтэй
Хаан хүртэл анд нөхөр болох.
12 ЭЗЭНий мэлмий

мэдлэгийг сахин хамгаалах.
Зальхайн үгсийг Тэрээр

мушгин хол хаях.
13 Залхуу хүн “Гадаа арслан байна
Би гудамжинд гарвал алуулах

байх” гэдэг.
14 Садар самуун эмийн ам гүн

цооног юм.
ЭЗЭНийг хилэгнүүлэгч тийш

унана.
15 Саваагүй мунхаглал

хүүхдийн зүрхэнд уяатай ч
Сахилгын саваа үүнээс нь

салгаж холдуулах.
16 Бэлжих гэж ядууг зовоож,
Баяныг зусардагч хүн

хоосролд ордог.

Мэргэдийн үгс

17 Мэргэдийн үгсэд чих тавь
Мэдлэг ухаанд минь

зүрхээ хандуул!
18 Хэвлийдээ чи эдгээрийг хадгалж,
Уруулан дээр чинь энэ үгс

бэлэн байваас тааламжтайяа.
19 Бат итгэл чинь ЭЗЭНд байг гэж

би чамд мэдүүлэв.
20 Би чамд мэдлэг хийгээд зөвлөх үг
гучийг бичиж үлдээсэн биш үү?
21 Ингэсэн нь үнэний үгс итгэлтэйг

чамд мэдүүлж,
Илгээсэн нэгэндээ чи үнэн үгийг

эргүүлэн авчрахын тулд юм

шүү!
22 Ядууг ядуу гэж бүү тоно
Зүдэрснийг үүд хаалган дээр

бүү дарла
23 Тэдний хэргээр заргалдагч нь ЭЗЭН
Тэднийг тоногсдыг Тэр тононо.
24 Ууранд баригдсан хүнтэй бүү нөхөрлө,
Түргэн зантай хүнтэй бүү нийл.
25 Учир нь чи түүний замаар

суралцаж, өөрийгөө занганд

оруулуузай.
26 Гар барин амлаж,
Өрийн төлөө батлан даагчдын нэг

бүү бол.
27 Оронд нь төлөх юм чамд үгүй

болбоос
Ор дэвсгэрийг чинь авах нь юун

билээ?
28 Эцэг өвгөдийнхөө бий болгосон
Эртний хил хязгаарыг

бүү өөрчил!
29 Ажилдаа чадмаг хүнийг чи харсан

уу?
Тэрээр хаадын өмнө зогсоно
Дорд хүмүүст эс үйлчилнэ.