Chnöiprotese, Theater und Kultur

Hoi zäme und willkomme zum Podcast vo Swiss German Online vom 10. Dezämber 2024!

​Ich bi d Kathrin Erni und hüt rede-mer über es ganz schpeziells Thema: Chnöiprothese. Genau, es goht um de Ersatz vo einzelne Körperteil – und d Frog, was das mit üs und üsem Läbe macht. Denn, wänn s um Prothese oder Organtransplantation goht, het das nid nume mit Medizin z tue, sondern au mit ethische Froge. Mir bringed das natürlich alles uf e lockeri Art und mit emene Augezwinkere i dem mir über d Frogeschtellige reded, wo scho de Stanislaw Lem i einere vo sine Science-Fiction Churzgschichte im “Buech vo de Roboter” thematisiert.

 

Als erschts möcht-i öich d Gschicht vo miim Mami verzelle, wo sälber sit 4 Johr es künschtlichs Chnöiglänk het: Mini Mueter het mit em Alter einigi Glänkbeschwärde gha, am schlimmschte isch es aber mit de Chnöi gsi. Si het verschideni Therapie wie Physiotherapii oder Oschteopatii probiert und au immer wider Schmärztherapie gha. Si het nid z früeh wölle es künschtlichs Chnöi übercho, wil jo das denn bis am Schluss vo irem Läbe sött hebe. Aber d Verschleiss-Schpure sind scho erheblich gsi und vor vier Johre het si sich entschide, ändlich under s Mässer z goh und de Schritt z woge, wil ires alte Chnöi würklich nümm het funktioniert, und s’Laufe zur Tortur worde isch. Aber si het e super Arzt gha – e richtigi Koriphäe uf siim Gebiet mit mega vil Erfahrig – und d Operation isch e volle Erfolg gsi. Hüt seit si mängisch: "Mis Chnüü isch wider wie nöi!" Si merkt fasch kei Unterschied zwüschem künschtliche und em eigete Chnöi. S einzige, wo si hi-und-da schtört, isch, dass es ab und zue quietscht, aber do cha-mer nid vil degäge mache. S Wichtigste isch: Si het praktisch kei Schmärze meh und isch immer no ganz dynamisch und voller Tatedrang.
Was aber, wenn mer sine Körper eifach wott "öpgreide", also besseri Fähigkeite möcht erlange mit Hilf vo de hütige Technik? ...

 

Contact me to see the whole script https://www.swiss-german-online.com/contact-us.html

 

VIP Swiss German course https://www.swiss-german-online.com/app.html

 

Standard German course https://app.german.dog/subscriptions